श्रीः
॥ कामकोटीशसौभाग्यप्रार्थना ॥
कामकोटी·श कोऽन्यस्¯त्वत् कृपणेषु कृपा-करः ।
कल्याणं कुरुतात् क्षिप्रं क्लान्तस्य कृति-भारतः ॥ १ ॥
अर्भ¯आदर-युक्तेऽस्मिन्न्¯अविद्या ना¯नुवर्तताम् ।
आचार्ये¯त्यवतिव्योऽय¯मद्या¯नुग्रह¯मर्हति ॥ २ ॥
एकं शरण¯मेधेत येन संसार¯एजितः ।
एत¯देतोऽस्मि तेऽभ्याश¯मेषणाभ्योऽभिपालय ॥ ३ ॥
ईहा¯ईर्ष्या·दयो वाता¯ईरयन्ती¯ति-पावकान् ।
ईडे त्वा¯मीश¯मीषन्¯मा¯मीक्षा-वर्षेण शीतय ॥ ४ ॥
लोके¯ष्वलीक-पूर्णेषु लव-सौख्येषु लग्नकम् ।
लयं लम्भय मे चित्तं लोचनं लासयन् लघु ॥ ५ ॥
हर मे हृदय-ग्रन्थिं हापया¯घ-चयान् बहून् ।
हासेन मृदु हंसा·ग्र्य हित-संहति¯मावह ॥ ६ ॥
रतिं राहि ज्ञान-राज रस-रूपे स्व¯आत्मनि ।
राग-रोषा·द्यरि-व्राताद् रक्ष रिष्टं निवारय ॥ ७ ॥
अंशुमाली तमांसी¯व ध्वंसयां¯हांसि रंहसा ।
संस्मृतिं ते पदोः पूर्णां दृंह दुःखस्य तृंहणाम् ॥ ८ ॥
सौभाग्यं साधुभिः सार्धं सम्बन्धं साधयेर्¯मम ।
स्वस्तये स्वा·न्त·रानन्द-सत्या·नुभव-सेतवे ॥ ९ ॥
कामाक्ष्या¯अर्ण-भूयिष्ठै¯रेभि¯रीप्सित-नाथनैः ।
लक्ष्य-पार-गतेर्¯हर्षे रोहयै¯नं समर्चितः ॥ १० ॥
॥ इति श्रीकाञ्चीकामकोटिपीठाधीश्वरकृपापात्रेण सदाशिवब्रह्मेन्द्रसन्निधिवास्तव्येन श्रीरमणशर्मणा विरचिता कामकोटीशसौभाग्यप्रार्थना ॥